Na nosa vila existen diferentes puntos para tratar correctamente os diversos tipos de residuos.
O Punto Limpo permanece aberto de luns a sábado en verán, cun horario de atención ao público de 8:00 a 13:30h (agás os sábados, ata as 12:30h). Ao lado, o Punto Verde recolle restos de céspede e herba, e só os martes recolle restos de poda.
No Punto Limpo admítese papel e cartón, cristal, plástico duro e brando, residuos metálicos e voluminosos (mobles, colchóns…),entullo de pequenas obras domiciliarias, disolventes, pinturas e vernices, pilas, fluorescentes, madeira, plásticos agrícolas, cápsulas de café, radiografías, aceite vexetal de cociña e residuos de aparellos electrónicos e eléctricos.
NON se admite uralita, aparellos de pesca, extintores, rodas, materiais inflamables, explosivos ou radioactivos ou medicamentos. Para estes últimos existe nas farmacias o Punto SIGRE.
Hai ademais dous pequenos puntos limpos fixos para depositar pequenos residuos na praza de Abastos e na praza de Avelino Vicente. Pódense depositar residuos de aparellos eléctrico e electrónicos (como móbiles, cargadores, tablets…), lámpadas, cartuchos de impresora e tóner e pilas e baterías. No punto da praza de Abastos tamén se poden depositar cápsulas de café.
Con estas medidas, búscase aumentar a reciclaxe na Guarda e tamén axudar na limpeza das rúas da nosa vila. Ante calquera dúbida pódese enviar un correo electrónico a medioambiente@aguarda.es.
